Share:

कहिले स्कुलदेखि त कहिले घरपरिवारसँग म धेरै ठाउँमा घुम्न गएकाे छु । विभिन्न ठाउँहरूमध्ये, म यहिँ गएको पौषमा दादाहरूसँग भट्टे डाँडा भन्ने एउटा ठाउँमा गएको थिएँ । भट्टे डाँडा ललितपुरमा जिल्लामा पर्दाे रहेछ । हामी त्यहाँ दादाकाे गाडीमा गएका थियाैँ । म मैतीदेवीबाट गाडी चढेँ । गाडीमा हामीले अनेक थरीका गीत गाउँदै रमाइलाे गर्दै गयौँ । हामीले हाम्रो गाडी लेलेको मनकामना मन्दिर अगाडि राेक्याैँ । त्यहाँ हामीले मन्दिर दर्शन गर्यौँ । केही समय त्यहीँ मन्दिरमा बितायाैँ । फेरि आफ्नो गाडी गन्तव्यतिर कुदायाैँ । जहासम्म गाडी पुग्थ्यो त्यहासम्म हामी गाडीमा नै गयौँ । त्यसपछि हाम्राे पदयात्रा सुरु भयाे अनि पुग्याैँ भट्टे डाँडा । त्याे ठाउँलाई हुस्सुले ढाकेको थियो । जाडो समयमा गएको हुनाले त्यहाँ धेरै चिसो थियाे । हामी विभिन्न वनस्पतिको अवलोकन गर्दै अगाडि बढ्यौँ । त्यो ठाउँ एकदमै शान्त थियो । त्यहाँ धेरै पर्यटकहरू घुम्न आउँदा रहेछन् । त्यो ठाउँको सुन्दरताले सबैकाे मन नै लोभ्याउँथ्यो । त्यो ठाउँका बारेमा म कहिल्यै पनि बिर्सन सक्दिनँ ।