This Colorful Life

Saugat Khatri

This Colorful LifeSaugat Khatri9- Tsho Rolpa 301009 Life is colorful, life is bright,Like stars that shine at night.The sky is blue, the grass is green,The world is full of things unseen.Sometimes we laugh, sometimes we cry,Sometimes we dream and try to fly.Some days are sad, some days are fun,But every day brings a new sun.Friends make us happy every day,And family loves us in every way.Flowers bloom and birds sing,Happiness is a lovely thing.Life is short, so let us smile,And enjoy each day for a while.With love and care, we can make it bright,Like a rainbow full of light.

मेरो पढ्ने कोठा

Arshav Man Gubhaju

मेरो पढ्ने कोठा सफा र सुन्दर छ । मलाई मेरो पढ्ने कोठा धेरै मनपर्छ। म यही बसेर गृहकार्य गर्छु र किताबहरू पढ्छु। मेरो पढ्ने कोठामा टेबल र कुर्सी पनि छन् । टेबलमाथि मेरा किताब, कापी, कलम र पेन्सिलहरु मिलाएर राखिएका छन् । मेराे पढ्ने काेठामा पाठ्यपुस्तक र अन्य किताबहरू राखिएका छन्। त्यस कोठामा दुईवटा झ्यालहरु छन् । झ्यालबाट हावा र घाम आउँछ। कोठामा उज्यालो प्रकाश छर्ने बत्ती पनि छ जसले गर्दा बेलुका पढ्न पनि सजिलो हुन्छ। म आफ्नो पढ्ने कोठालाई सधैं सफा र व्यवस्थित राख्छु । मेरो पढ्ने कोठा शान्त भएकाले मलाई पढ्न र नयाँ कुरा सिक्न सजिलो हुन्छ । मेराे घरमा भएका अन्य ठाउँ भन्दा मलाई मेरो पढ्ने कोठा अति नै मनपर्छ ।

आफ्नो बारेमा

Evan Singh Basnet

मेरो नाम इभान सिंह बस्नेत हो। म ६ वर्षको भएँ । मेरो विद्यालयको नाम डियरवाक पोखरा स्कुल हो। म कक्षा एक ल्हाेत्से पढ्छु। मेरो आमाको नाम अनिम पुन बस्नेत हो। मेरो बुबाको नाम समिर बहादुर बस्नेत हो। मेरो हजुरआमाको नाम तारा बस्नेत हो। मेरो हजुरबुवाको नाम योगेन्द्र बहादुर बस्नेत हो। मेरो कक्षा शिक्षकको नाम बिनु गिरी महत हो।

मेरो बाबा

Krishal Baral

बाको छातीमा शितलता पाइन्छ,म निदाउन सदा बाकाे काख चाहिन्छ । पसिना बगाएर हातमा ठेला पारे, आफू दुखेर पनि हामीलाई हँसाए । जीवनको यात्रामा उनी हुन् सहारा, आकाश जस्तै विशाल मुटुका प्यारा । अन्धकारमा पनि दियो बालिदिने, सही बाटो देखाएर साथ हिँडाउने । भगवान् खोज्न म मन्दिर जाँदिन कहिल्यै, मेरा लागि मेरा बाबा नै हुन्, सबैभन्दा ठूला जहिल्यै ।

समयको महत्त्व

Mohit Basnet

समय मानिसको जीवनमा सबैभन्दा महत्त्वपूर्ण र मूल्यवान् कुरा हो। संसारमा धेरै यस्ता वस्तुहरू छन्, जुन हराएपछि फेरि प्राप्त गर्न सकिन्छ। पैसा हराएमा फेरि कमाउन सकिन्छ । सामान बिग्रिएमा नयाँ किन्न सकिन्छ तर एकपटक बितेको समयलाई कहिल्यै फर्काएर ल्याउन सकिँदैन। त्यसैले समयको सही सदुपयोग गर्नु प्रत्येक मानिसका लागि आवश्यक हुन्छ। समयको महत्त्व विद्यार्थी जीवनमा अझ बढी हुन्छ, किनभने विद्यार्थी जीवन नै भविष्य निर्माण गर्ने समय हो। म मोहित बस्नेत, डियरवाक पोखरा स्कुलमा कक्षा १० मा अध्ययनरत विद्यार्थी हुँ। कक्षा १० मा पढ्न थालेको लगभग ६ महिना भइसकेको छ। यी ६ महिनाको अनुभवबाट मैले समयको महत्त्व पहिलेभन्दा धेरै बुझ्न थालेको छु। कक्षा १० मा पढाइसँगै विभिन्न assignment, homework, project, परीक्षा तयारी तथा अन्य विद्यालयका कामहरू पनि गर्नुपर्ने हुन्छ। यसका साथै व्यक्तिगत काम, परिवारका लागि समय र आरामका लागि पनि समय छुट्याउनुपर्छ। यी सबै कामलाई मिलाएर अगाडि बढ्न समयको सही व्यवस्थापन आवश्यक हुन्छ। कक्षा १० सुरु हुँदा मैले समय व्यवस्थापनको महत्त्व त्यति धेरै महसुस गरेको थिइन। कहिलेकाहीँ कुनै assignment आज नगरेर भोलि गरौँला भनेर छोडिन्थ्यो तर त्यही कामहरू पछि धेरै जम्मा हुँदा तनाव हुने र छोटो समयमा धेरै काम पूरा गर्नुपर्ने अवस्था आउँथ्यो। त्यसबाट मैले एउटा महत्त्वपूर्ण कुरा सिकेँ कामलाई पछि सार्दै जाँदा समय बच्दैन, बरु भविष्यमा अझ बढी समस्या उत्पन्न हुन्छ। अहिले म आफ्नो कामलाई प्राथमिकताका आधारमा पूरा गर्ने प्रयास गर्छु। विद्यालयबाट दिइएका assignment र homework सकेसम्म समयमै गर्ने गर्छु। पढाइका लागि छुट्टै समय निकाल्नुका साथै व्यक्तिगत काम र आरामका लागि पनि समय छुट्याउन आवश्यक ठान्छु। यसरी आफ्नो दिनलाई व्यवस्थित गर्दा सबै कामका लागि पर्याप्त समय पाउन सकिन्छ। काम समयमै पूरा हुँदा मनमा अनावश्यक तनाव पनि हुँदैन र पढाइमा ध्यान केन्द्रित गर्न सजिलो हुन्छ। समयको सदुपयोग गर्नु भनेको दिनभर पढाइ वा काम मात्र गर्नु होइन। विद्यार्थीका लागि पढाइसँगै खेलकुद, मनोरञ्जन, परिवारसँग समय बिताउने र आफ्ना रुचिका काम गर्ने समय पनि आवश्यक हुन्छ । यी सबै कामका लागि उचित समय छुट्याउन सक्नुपर्छ। मोबाइल फोन र सामाजिक सञ्जालमा आवश्यकभन्दा बढी समय बिताउँदा हाम्रो महत्त्वपूर्ण समय खेर जान सक्छ। त्यसैले प्रविधिको प्रयोग गर्दा पनि समयको सीमालाई ध्यान दिनुपर्छ। समय व्यवस्थापनले मानिसलाई अनुशासित र जिम्मेवार बन्न पनि सिकाउँछ। यदि हामीले आज गर्नुपर्ने काम आजै पूरा गर्ने बानी बसाल्यौँ भने भविष्यमा ठूला जिम्मेवारी पूरा गर्न पनि सजिलो हुन्छ। विशेषगरी कक्षा १० जस्तो महत्त्वपूर्ण शैक्षिक वर्षमा समयको सही उपयोग गर्नु निकै आवश्यक छ। परीक्षा नजिक आएपछि मात्र पढ्नुभन्दा हरेक दिन थोरै–थोरै समय पढ्नु बढी प्रभावकारी हुन्छ। अन्त्यमा, मेरो कक्षा १० को लगभग ६ महिनाको अनुभवले मलाई समयको वास्तविक महत्त्व बुझाएको छ। मैले बुझेको छु कि समय हाम्रो जीवनको यस्तो सम्पत्ति हो, जसलाई बचत गरेर भविष्यमा प्रयोग गर्न सकिँदैन। त्यसैले हरेक दिन प्राप्त हुने समयलाई सही रूपमा प्रयोग गर्नुपर्छ। आजको काम भोलिका लागि सार्नुको सट्टा समयमै पूरा गर्ने बानी विकास गर्नुपर्छ। समयको सम्मान गर्नु भनेको आफ्नो जीवन, लक्ष्य र भविष्यको सम्मान गर्नु हो।

सामाजिक सञ्‍जाल: राम्रो र नराम्रो पक्ष

Mahesh Adhikari

आजको समयमा सामाजिक सञ्‍जालहाम्रो जीवनको एउटा महत्‍त्‍वपूर्ण भाग बनेको छ। फेसबुक, टिकटक, इन्स्टाग्राम, युट्युब, मेसेन्जर आदि सामाजिक का उदाहरण हुन्। मोबाइल फोन र इन्टरनेटको विकाससँगै यसको प्रयोग पनि धेरै बढेको छ। सामाजिक सञ्‍जालका केही राम्रो पक्ष छन् भने केही नराम्रो पक्ष पनि छन्।सामाजिक सञ्‍जालको राम्रो पक्ष धेरै छन्। यसले टाढा रहेका मानिसहरूसँग सजिलै कुराकानी गर्न मद्दत गर्छ। हामी घरमै बसेर साथीभiइ र आफन्तसँग कुरा गर्न सक्छौँ। देश तथा विदेशमा भएका नयाँ घटनाबारे पनि छिटो जानकारी पाउन सकिन्छ। विद्यार्थीहरूले पढाइका लागि विभिन्‍न शैक्षिक भिडियो र सामग्री हेर्न सक्छन्। युट्युबबाट नयाँ कुरा सिक्न पनि सकिन्छ। सामाजिक सञ्‍जाल मनोरञ्‍नकाे राम्रो माध्यम पनि हो। यसबाट मानिसहरूले आफ्नो कला, गीत, नाच, चित्र तथा अन्य प्रतिभा अरूलाई देखाउन सक्छन्। व्यापार गर्ने मानिसहरूले आफ्ना सामानको प्रचार गर्न पनि सामाजिक सञ्‍जाल प्रयोग गर्छन्।तर सामाजिक सञ्‍जालका केही नराम्रा पक्ष पनि छन्। धेरै समय सामाजिक सञ्‍जालच लाउँदा समय खेर जान्छ। विद्यार्थीहरूले धेरै मोबाइल चलाएमा पढाइमा असर पर्न सक्छ। यसले मानिसलाई मोबाइल चलाउने लत पनि बसाल्न सक्छ। सामाजिक सञ्‍जालमा कहिलेकाहीँ गलत र झुटा समाचार फैलिन्छन्। त्यस्ता समाचारमा विश्‍वास गर्दा समस्या आउन सक्छ। अनलाइन ठगी, साइबरबुलिङ र व्यक्तिगत जानकारी चोरी हुने खतरा पनि हुन्छ। धेरै समय मोबाइल चलाउँदा आँखामा समस्या आउन सक्छ र शारीरिक गतिविधि पनि कम हुन सक्छ। अरू मानिसको जीवनसँग आफ्नो जीवन तुलना गर्दा दुःखी हुने सम्भावना पनि हुन्छ।त्यसैले सामाजिक सञ्‍जाललाई सही तरिकाले प्रयोग गर्नुपर्छ। हामीले आवश्यक कामका लागि मात्र सामाजिक सञ्‍जाल प्रयोग गर्नुपर्छ र समयको सीमा बनाउनु राम्रो हुन्छ। अनजान मानिससँग व्यक्तिगत जानकारी बाँड्नु हुँदैन। सामाजिक सञ्‍जालमा आएको कुनै पनि समाचार तुरुन्तै विश्‍वास गर्नु हुँदैन।अन्त्यमा, सामाजिक सञ्‍जालआफैँ राम्रो वा नराम्रो होइन। हामीले यसलाई कसरी प्रयोग गर्छाैँ भन्‍ने कुरामा यसको प्रभाव निर्भर हुन्छ। सही र सुरक्षित तरिकाले प्रयोग गरेमा सामाजिक सञ्‍जालबाट धेरै ज्ञान र फाइदा लिन सकिन्छ। त्यसैले हामी सबैले सामाजिक सञ्‍जालको सही र जिम्मेवार प्रयोग गर्नुपर्छ।

पुस्तक

Vedanga Aryal

किताबलाई पुस्तक पनि भनिन्छ । किताब ज्ञानको भण्डार हो । जसले अज्ञानलाई हटाएर ज्ञानको ज्योति भर्ने काम गर्छ । किताब धेरै कागजका पानाहरूबाट बनेको हुन्छ । किताबमा आफ्नो नाम लेख्न, सजाएर राख्न र पढ्दै जाँदा मन परेका कुराहरूमा चिह्न पनि लगाउन सकिन्छ । किताबले हाम्रो उत्सुकतालाई पूरा गर्दछ । यसबाट विश्वभरि घटेका नयाँ कुराहरूको जानकारीहरू प्राप्त गर्न सकिन्छ । किताबले हामीलाई सबै क्षेत्रहरूको नयाँ र पुराना ज्ञान प्रदान गर्दछ । किताबले गर्दा नै आज हामी इतिहासको बारेमा अध्ययन गर्न सक्छौँ। किताब बच्चादेखि वृद्धवृद्धासम्म सबैलाई उपयोगी छ । किताब विभिन्न भाषामा लेखिन्छ । विज्ञान, गणित, प्रविधि, भाषा, कला, साहित्य, धर्म आदि धेरै विषयमा किताब लेखिन्छ । हामी कथा, कविता, निबन्ध, उपन्यास, लेख आदिका रूपमा पढ्न सक्छौँ । किताब हामी सबैलाई सधैँ आवश्यक र महत्त्वपूर्ण छ । त्यसैले आफू पनि निरन्तर किताब पढ्ने र अरूलाई पनि पढ्न प्रेरित गर्ने बानी गर्नुपर्छ ।