Share:

बगैँचाका सुन्दर फूल टिप्नु हुँदैन

रङ्गीचङ्गी फूल कोपिला चुँड्नु हुँदैन।

फूलबारी नै सुगन्धित बास्ना हरर

फूलबारीमा पुतली झैँ खेल्ने रहर ।

साना साना मौरी मिली मह बनाउने

मिलीजुली काम गर्न हामीलाई सिकाउने ।

पूजा गर्दा मन्दिरमा फूल चढाउने

सयपत्री, मखमली माला बनाउने ।

फूलका बोटमा सधैँभरि पानी हाल्नु पर्दछ

फूल बिरुवालाई सधैँ माया गर्नुपर्दछ ।

फूलबारीका फूलहरू हाम्रा साथी

पढेलेखी ठुलो बनी हुन्छौँ हामी जाती ।