Share:

बुद्ध जयन्ती

बुद्ध जयन्ती विश्वभरि नै भगवान गौतम बुद्धको जन्मदिनको अवसरमा मनाइने चाड हो । यो चाड हरेक वर्ष वैशाख शुक्ल पूर्णिमाको दिन मनाइन्छ । भगवान गौतम बुद्धको जन्म लगभग २५०० वर्ष पहिले रूपन्देही जिल्लाको लुम्बिनीमा राजा शुद्धोधन र रानी मायावतीको कोखबाट भएको थियो । उनको नाम सिद्धार्थ गौतम राखिएको थियो। उनी सानैदेखि दयालु र शान्त स्वभावका थिए । उनले आफ्नो शिक्षा गुरु विश्वामित्रबाट लिएका थिए । उनको राजकुमारी यशोधरासँग विवाह भएको थियो र उनका राहुल नामकाे छोरा पनि जन्मेका थिए । सिद्धार्थ गौतमलाई संसारमा मानिस किन जन्मन्छ? किन रोगी हुन्छ ? किन बुढो हुन्छ? र किन मर्छ? भन्ने प्रश्नले धेरै चिन्तित बनाएकोले उनले आफ्नो सुख, सुविधा छोडेर संसारलाई सुखी र उज्यालो बनाउन ज्ञानको खोजीमा हिँडे। उनी बोधगयामा गई कठोर तपस्या गरेर महाज्ञान प्राप्त गरे। उनले त्यो ज्ञान सबै बाँड्दै हिँडे। भगवान गौतम बुद्धले हामीलाई सधैँ सत्य, अहिंसा, सत्मार्ग, अनुशासित र सकारात्मक रूपले शान्तिको बाटोमा हिँड्न प्रेरित गर्नुहुन्छ । यस्ता महाज्ञानी गौतम बुद्धलाई विष्णुको नौ अवतार पनि मानिन्छ । गौतम बुद्धको मृत्यु ८० वर्षको उमेरमा कुशीनगरमा भएको थियो। उहाँको मृत्यु भएपनि उहाँले दिनुभएको अर्ती उपदेश हामी माझ सधैँ अमर रहिरहने छ।