Share:

म परीक्षा पछाडि ताप्लेजुङ घुम्न गएको थिएँ । म बुबासँग हवाइजहाजमा काठमाडौँबाट विराटनगर गएँ । त्यहाँबाट बुबाको अफिसको गाडीमा भेडेटार पुग्यौँ । मैले त्यहाँ मिठो खाना खाएँ । खाना खाएपछि रमाइलो ठाउँ हेर्दै ताप्लेजुङ पुग्यौँ । मैले बाटोमा नयाँ नयाँ ठाउँ देखेँ । त्यहाँ ठुलो तमोर नदी र साथै कावेली नदी देखेँ । त्यो देखेर मलाई रमाइलो लाग्यो । हामी बेलुका हाेटेलमा पुग्यौँ र मिठो खाना खाएर सुत्यौँ । बिहान सबेरै उठेर खाजा खायाैँ । त्यसपछि हामी जलविद्युत आयाेजना घुम्न गयाैँ । त्यहाँ जाँदा सुरक्षाको हेल्मेट र टल्किने कपडा लगाएर त्यहाँका सुरक्षा अधिकारीले भने अनुसार हिँड्न पर्ने रहेछ । मैले बाँध बाँधेर खोला थुनेको देखेँ । खोलाको पानी सुरुङमा लगेको देखेँ । सुरुङबाट त्यो पानी तल बिजुली निकाल्ने घरमा जाने थाहा पाएँ । सुरुङबाट आएको पानीलाई ठुलो फलामको पाइपबाट पावर हाउसमा झारिँदो रहेछ । त्यहाँ ठुलाठुला चारवटा बिजुली निकाल्ने मेसिन रहेछन् । पाइपबाट आएको पानीले ती मेसिन घुमाएर बिजुली निस्किँदो रहेछ । त्यो बिजुलीलाई ठुलो पोलबाट तानेको तारबाट हाम्रो घर घरमा पठाइदो रहेछ । अनि हामी त्यो बिजुली प्रयोग गर्दा रहेछौं । अर्को दिन पनि म बुबासँग घुम्न गएँ । मैले पुरानो घर देखेँ । त्यहाँ मैले हिमाल देखेँ । त्यो देखेर रमाइलो लाग्यो । म अब फेरि पनि बिदाकाे समयमा नयाँ ठाउँ घुम्न जानेछु ।