Share:

भानुभक्त आचार्य एक नेपाली कवि, अनुवादक र लेखक थिए। रामायणलाई संस्कृतबाट नेपालीमा अनुवाद गर्ने उनी पहिलो लेखक थिए। आफ्नो समयमा देशका अन्य समकालीन कविहरू भए पनि उनी नेपाली भाषाको आदिकवि पदवीबाट सम्मानित छन्। उनका कविताहरू पछि प्रसिद्ध कवि मोतीराम भट्टले प्रकाशित गरे। भानुभक्तले संस्कृतको शिक्षा आफ्नो हजुरबुबा र पछि वाराणसीमा प्राप्त गरे। भानुभक्त आचार्यको जन्म १८७१ आषाढ २९ गते नेपालको तनहुँ जिल्लाको रम्घा भन्ने गाउँमा भएको थियो। आचार्य ब्राह्मण परिवारमा जन्मनुभएका उहाँले हजुरबुबाबाट घरमा नै शिक्षा प्राप्त गर्नुभएकाे थियाे। उनका बुबा धनञ्जय आचार्य सरकारी अधिकारी थिए र सबै भाइहरूमध्ये जेठा थिए । भानु जयन्तीका दिन भानुभक्त आचार्यको जयन्ती मनाइन्छ। यो नेपाली पात्रोअनुसार आषाढ महिनाको २९गते पर्छ। यो उत्सव नेपाल सरकार, नेपाली जनता र विश्वभरिका नेपालीभाषीहरूद्वारा प्रत्येक वर्ष मनाइन्छ। भानुभक्त आचार्यको जन्मदिनको उपलक्ष्यमा विश्वभरिका नेपालीहरूमा प्रचलित सांस्कृतिक महोत्सव आज पनि हुने गर्दछ। यो साधारणतया आषाढको २९ गते मनाइन्छ। प्रत्येक वर्ष भानु जयन्तीका दिन साहित्यिक गाेष्ठीहरू, नेपाली साहित्यकार, उपन्यासकार र अन्य साहित्यिक व्यक्तित्व उत्साहीहरूका बीचमा उल्लेखनीय कार्यक्रम हुन्छ । भानुभक्त आचार्यलाई नेपाली जनताका निम्ति आदिकवि (पहिलो कवि) भन्ने उपाधिले सम्मान गरिएकाे छ। भानुभक्त आचार्यको जीवनी लेख्दा मोतिराम भट्टले उनलाई पहिलो पटक आदिकवि भनेर सम्बोधन गरेका थिए । उनले स्पष्ट पारे कि आचार्यलाई नेपालमा पहिलो कवि नभएको कारण उनी आदिकवि भनिन याेग्य थिए किनकि उनी पहिलो कवि थिए। जसले एक अथक परिश्रमले रामायण लेखेका थिए।