Share:

आजभोलि प्रविधि निकै अघि बढिसकेको छ । प्रवधि निरन्तर रूपमा परिवर्तन र विकास हुँदै गएको छ र यसले मानिसको जीवनलाई असाध्यै सहज र प्रभावकारी बनाएको छ । अहिलेको प्रविधिको तुलनामा हामीले भविष्यको प्रविधिको कल्पना पनि गर्न सक्दैनौ र भविष्यको कल्पना गर्दा अहिलेको संसार नै पूर्णरूपले परिवर्तन हुने पूर्ण सम्भावना छ ।

भविष्यमा रोबोटिक्सको क्षेत्रमा ठुलो परिवर्तनहरू आउने छन् । आजको दिनमा रोबोटहरू ठुल्ठुला उद्योग, स्वास्थ्य सेवा र दैनिक कामका लागि प्रयोग गरिन्छ तर भविष्यमा तिनीहरूको भूमिका अझ व्यापक हुने छ । घरमा खाना पकाउनु, सरसफाइ गर्ने दैखि मानिसको ख्याल राख्नेसम्म सबै काम रोबटले नै गर्ने छ । शिक्षाको क्षेत्रमा पनि रोबोटहरू विद्यार्थीहरूको शिक्षामा पनि सहायकको भूमिका खेल्ने छन् । त्यसरी नै कारखाना तथा उत्पादन उद्योगमा रहेका मेसिनहरूले मानवीय श्रमलाई कम गरिरहेका छन् । जसले उत्पादन क्षमतालाई बढाएर गुणस्तरीय उत्पादन गर्न सहयोग पुर्‍याउने छ ।

प्रविधि भनेको भविष्यको आधारशिला बन्ने छ । आज हामी प्रविधिको प्रयोग मोबाइल, स्मार्ट घर, स्वास्थ्य निगरानी जस्ता क्षेत्रमा देखिरहेका छौँ तर भविष्यमा यो मानव मस्तिष्कको स्तरमा पुग्न सक्छ र तिनीद्वारा लिइएको निर्णयको क्षमता मानिसहरूको भन्दा छिटो र प्रभावकारी हुने छन् । स्वास्थ्य क्षेत्रमा पनि प्रविधिको प्रयोगले बिरामीको उपचार अझ सहज हुने छ र यस कारणले निदान पनि कम नै हुन्छ । भविष्यमा स्वास्थ्य निगरानी गर्ने उपकरणले मानिसको स्वास्थ्य सम्बन्धी रोग सही समयमा उपचार गर्न पनि सकिन्छ ।

भविष्यमा सवारी साधनहरूको स्वरुप पनि पूर्णरूपमा परिवर्तन हुने ठूलो सम्भावना छ र पछि प्रविधिले नै थप विकास गर्ने हु‌नाले ट्राफिक दुर्घटना पनि कम हुन सक्छ । त्यस्तै, सार्वजनिक यातायातको क्षेत्रमा पनि ‘हाइपरलुप’ जस्ता सवारी साधनले छोटो र सहज रूपमा दूरी तय गर्न सक्छन् । यस सँगसँगै अन्तरिक्ष अनुसन्धानको क्षेत्रमा पनि प्रविधिले भविष्यमा ठुलो प्रगति गर्ने छ । जसले गर्दा मानिस मङ्गल ग्रह र चन्द्रमामा बसोबासको सम्भावनाकाे खोजी गर्दै छ । अन्तरिक्षमा रहेका खनिज र अन्य स्रोतहरूको खोजी गरी पृथ्वीमा रहेका ऊर्जा सम्बन्धी समस्या पनि समाधान गर्न सकिने ठुलो सम्भावना छ ।

यद्यपि प्रविधिले धेरै फाइदा पुर्याउने छ तर यसका चुनौतीहरू पनि छन्, जस्तै साइबर सुरक्षाको समस्या, रोबोट‌को अत्यधिक प्रयोगले मानिसको रोजगारी गुम्न सक्ने समस्या, अत्यधिक प्रयोगले मानसिक स्वास्थ्यमा हानी, आदि । यसकारण, प्रविधिको जिम्मेवारी पूर्ण उपयोग गर्न अत्यधिक आवश्यक छ र यद्यपि हामीले यसको सकारात्मक पक्षलाई उपयोग गरेर समाजको विकास गर्नुपर्छ ।

भविष्यको प्रविधि केवल विज्ञान क्षेत्रमा मात्र सिमित नभई जीवनमा नै प्रभावकारी हुने छ । मानव सभ्यताको विकाससँगै प्रविधिले हरेक क्षेत्रमा ठुलो परिवर्तन ल्याउने छ ।