Share:

किसान

बिहान सबेरै नै किसान खेततर्फ लाग्छन्

आफ्नो पसिना‌‌को बलमा बाँझो जमिनलाई हरियाली बनाउँछन्

घाम र पानीको कुनै वास्ता नगरी निरन्तर काम गर्छन्

किनभने सम्पूर्ण मानिस उनीमाथि नै निर्भर हुन्छन् ।

बाढी, पहिरो, खडेरीले उनलाई धेरै दुःख पुर्याउँछ

वर्षभरि गरेको मेहेनत खेर जान्छ

तैपनि एउटा किसानले कहिल्यै हार नमानी

आफ्नो जिम्मेवारी सधैँ पूरा गर्छ ।

भन्छन डक्टर, पाइलट, इन्जिनियर बन्छु

तर कसैले किसान‌को नाम लिँदैन

त्यही किसानले आफ्नो काम छोडे भने

कसैले पनि अन्न पाउँदैन ।

किसानको मेहेनतको कदर गर्दै

उनलाई सम्मान गर्न सिक्नुपर्छ

किसानको काम र मेहेनत मै

देशको उज्ज्वल भविष्य लुकेको हुन्छ ।