Share:

संविधान दिवस र बालअधिकार

हरेक वर्ष असोज ३ गते संविधान दिवस मनाइन्छ । नेपालको संविधान वि सं २०७२ जारी भएको दिन संविधान दिवस हो । संविधान देशको मूल कानुन हो। संविधानको धारा ३९ मा बाल अधिकारको व्यवस्था गरिएको छ । सबै बालबालिकाको बाँच्न पाउने अधिकार छ । सबै बालबालिकाहरूले पढ्न पाउने अधिकार छ । सबै बालबालिकाहरूलाई खेल्न, रमाइलो गर्न र सीप सिक्न पाउने अधिकार छ । बालबालिकाहरूलाई काममा लगाउनु हुँदैन । उनीहरूलाई भेदभाव गर्नुहुँदैन । उनीहरूलाई खाना, उपचार, माया, शिक्षा आदि चाहिने सम्पूर्ण कुरा दिनु नै बाल अधिकार हो ।