Share:

पुस्तक राखिएको घरलाई पुस्तकालय भनिन्छ । पुस्तकालयमा विभिन्न प्रकारका पुस्तकहरू राखिएको हुन्छ । यहाँ पुस्तक, पत्रपत्रिका तथा विभिन्न साहित्यिक पुस्तकहरू पनि राखिएको हुन्छ । पुस्तकालयलाई ज्ञानको भण्डारकाे रूपमा लिइन्छ । पुस्तकालयमा बच्चादेखि ठुला व्यक्तिहरूलाई हुने खालका पुस्तकहरू राखिएको हुन्छ । हामी पुस्तकालयमा गएर आफ्नो रुचिअनुसारको पुस्तक पढ्न सक्छौँ । पुस्तकालयमा कथा, कविता, निबन्ध, जीवनीलगायत थुप्रै पुस्तकहरू राखिएकाे हुन्छ । पुस्तकालयमा शान्त भएर बस्नुपर्दछ । धेरैजसो विद्यालयमा पुस्तकालय बनाइएको हुन्छ । हाम्रो विद्यालयमा पनि पुस्तकालय छ । हामी विद्यार्थीहरू पुस्तकालयमा गएर पढ्ने गर्छौं । पुस्तकालयबाट हामीले धेरै ज्ञान प्राप्त गर्छौं । पुस्तकालयमा गएर आफूलाई फाइदा हुने राम्रा किताबहरू पढ्नुपर्छ । किताब पढ्दा हामीले धेरै ज्ञान प्राप्त गर्छौं । हाम्रो पढ्ने सिपको विकास पनि हुन्छ । शब्द भण्डारमा वृद्धि हुन्छ । पत्रपत्रिका पढ्दा हामीले देशविदेशमा घटेका विभिन्न घटनाहरूको बारेमा जानकारी प्राप्त गर्छौं । हाम्रो देश नेपालमा साना ठुला गरी धेरै पुस्तकालयहरू छन् । हामी फुर्सदको समयमा पुस्तकालयमा गएर आफ्नो रुचि अनुसारका पुस्तक पढ्ने बानी बसाल्नुपर्छ।