Share:

चन्द्रको त्यो प्रकाशमा जुनकिरीको गीतमा

ताराहरू फैलिएका त्यही चिसो रातमा

पूर्णिमाको त्यही दृश्य थियो आज मनमा

आकाश नि जिस्किन्थ्याे त्यो जुनेली रातमा ।

त्यो बिहान शित पर्थ्यो त्यही बोटको पातमा

जाडो महिना चिसो रात केही थिएन साउनमा

एक त्यो थियो नौलो साँझ बर्खा यामको दिनमा

सुनसान र शान्त थियो त्यो बर्खेली रातोमा ।

त्यही रात पछि सूर्य उदायो नि पूर्व

त्यो बिहान चिरबिर चिरबिर चराको थियो धुन

सूर्य त प्रकृति नै हो सूर्यले नै  दिन

बिहान, दिउँसो, साँझसम्म सूर्यको छ बास ।

अँध्यारोलाई हटाएर दिन उज्यालो पार्छ

रात दिनको प्रक्रिया त्यसबाट नै चल्छ

सूर्यले त दृष्टि दिन्छ सूर्य नै हो ऊर्जा

इन्द्रेणी,सात सूर्यको रङ्ग मन मोहित हुन्छ ।

सूर्य चन्द्रको पूरक सूर्य नै छ पूर्ण

शितलताको प्रतीक चन्द्र दिनमा चाहिँ कर्म

सूर्यचन्द्र दिनरात प्रकृतिकै प्रकार

यसमा नै समय छ यही नै संसार ।