Share:

मेरो एक दिनको दैनिकी

मिति २०८३ / १ / १० गते बिहीबार म बिहान ६ बजे उठेँ। पानी पिएँ अनि शौचालय गएँ। त्यसपछि खाजा खाएँ । मैले एकछिन खेलेँ । ९ बजे मैले लुगा फेरेर मेरा मामु, बाबा र बहिनीसँग ट्याक्सीमा चढेँ । त्यसपछि बाटोमा हामीले गीत गायौँ । एक घण्टापछि हामी साँखु पुग्यौँ । त्यहाँको रिसोर्टमा ठुलो चौर थियो । त्यहाँ धेरै सुन्दर फूलहरू थिए । थरीथरीका फूल देखेर हामी धेरै खुसी भयौँ । हामी त्यहाँको बगैँचामा डुल्यौँ । सबैले खाना खायौँ र फोटो खिच्यौँ । चौरमा म र बहिनी खेल्यौँ । त्यसपछि हामी ट्याक्सी चढेर सालीनदी पुग्यौँ। त्यहाँ पनि वरिपरि डुल्यौँ र बेलुका हामी घरमा पुगेपछि खाना खाएर आराम गर्‍याैँ । राति थकाइ लागेकोले म छिटै ९:३० बजे सुतेँ। त्यो दिन मलाई धेरै रमाइलो भयो।