Share:

नेपाल हाम्रो सुन्दर राष्ट्र, लुकाउनु के छ र ?

चन्द्र र सूर्य अस्ताउदैनन् डराउनु किन र ?

हाँस्दै छन् सबै मिलीजुली हात समाई,

नेपालले गर्दा बनेका हामी नेपाली सबै ॥

पृथ्वीनारायणले गर्दा जोडिएको यो भूमि,

संस्कृति र जातले गर्दा बनेका हौँ हामी,

एकअर्काको संस्कृतिलाई माया गर्छन् सबैले,

गर्दैनन् भेद्भाव यो राष्ट्रमा नेपाली कसैले ॥

वीर थिए पुर्खा हामी सबैका, पछि हटेनन्,

देशका लागि बगाए रगत, कहिले डराएनन्,

पूर्व टिस्टा, पश्चिम राबीकै लागि लडेका,

देशको प्रगतिका लागि ज्यान गुमाएका ॥

हामी नेपाली पनि अब अघि बढ्ने छौँ,

आफ्ना वीरपुर्खाकाे बिँडो थाम्ने छौँ,

भ्रष्टचारी सबैलाई हटाउन खोज्ने छौँ,

नेपाललाई पहिले जस्तै अद्भूत बनाउने छौँ ॥

सूर्य उधाए जस्तै नेपाल चम्कने छ,

चन्द्रले आशा दिए झैँ नेपालले सबलाई खुसी राख्नने छ ॥