Share:

जीवनकै सुनौलो र अमूल्य समय

सधैँ सुख र खुसी रोज्ने समय ।

विद्यार्थी जीवन जिन्दगीभर मनमा रहन्छ

ती पलका यादहरू सधैँ घुमिरहन्छन् ।।

विद्यार्थी हुँदा कापी र किताब साथी बन्छन्

हरेक दिन नयाँ नयाँ कुरा सिक्न सघाउँछन् ।

गुरुले दिएको शिक्षा जीवनकै अमूल्य धन

जसका कारण बन्छ सबैको सफल जीवन ।।

मेहनत नगरी कसरी सफलता पाइन्छ ?

आफूले गरेको परिश्रम ले नै सफलता ल्याइन्छ ।

अल्छीपन त्यागी अगि बढ्नु पर्दछ

आफ्नो जीवनका लक्ष्य छिट्टै प्राप्त गर्नु पर्दछ ।।

हामी विद्यार्थी राष्ट्रकाे नै भविष्य हौँ

देश विकास गर्ने भोलिका उज्यालो संसार हौँ ।

हाम्रो असल कर्म र असल शिक्षाले

भोलि संसार चम्कन्छ हाम्रो नामले ।।

जे सत्य हो सधैँ त्यही नै गरौँ

मिहेतन गरेर आफ्नो सपना पूरा गर्नतिर लागौँ ।

पढाइ सँगसँगै रमाउँदै विद्यार्थी जीवन बाचौँ

भविष्य उज्जवल हुने गरी काम गराैँ ।।