Share:

सुनको झल्को पोख्दछ सारा कर्णाली छातिमा

बग्दछ सिन्धु कथामा जोडी पहाडको काखमा

श्रमको रङ उब्जन्छ सारा खेतमा लहरै

धान र बाली चम्किन्छ हेर हिरा र मोति झैँ

फूलको थुँगा चुढाइ हेर सिरमा सजेको

गुन्यु र चोली पटुकी कसी रोदीमा नाचेको

गुन्जन्छ भाका मादलसँग सालको वनमा

आउँछ जान्छ वसन्त ऋतु मोहनी रूपमा

गोठाला भिरी हँसिया बोकी भाकामा गाउँला

डोकामा घाँस पिठ्युमा आश बाँधेर आउँला

गाउँछ गीत गाइने हेर सारङ्गी रेटेरै

नाच्दछ सेती मुहार फेरी झुल्केको बिहानै