Share:

मेरो एक दिनको दैनिकी

मिति २०८३/ १/ ७ गते बिहान म ८ बजे उठेँ । हातमुख धोएँ । मैले दाँत माझेँ । फुपूको घरमा पूजा थियो। हामी पूजाका लागि जानको तयार भयौँ । बुबाले ट्याक्सी बाेलाउनुभयो। ट्याक्सीमा चढेर फुपूको घर गयौँ । फुपूको घर पुग्न ३० मिनेट लाग्यो। हामी कलश बोकेर पूजा कोठामा गयौँ। हामीले म्याट ओछ्यायौँ र एकछिन घाममा बस्यौँ। हामीले खाजामा दही चिउरा खायौँ। त्यसपछि हामी घर फर्कियौँ। म दाँत जँचाउन बुबासँग गएँ। धेरै दाँत दुखेन । त्यसपछि मैले मामुसँग गएर आइसक्रिम खाएँ । चकलेटहरू पनि खाएँ । मैले दिदीसँग मिलेर बोर्ड खेलेँ । हामीले फेरि म्याट ओछ्याएर दाल, भात, तरकारी खायौँ। मैले बेलुका ब्रस गरेँ। मुख धोएँ र बत्ती निभाएर सुतेँ।