Share:

हिमालको काखमा टल्किन्छ भाल,

सगरमाथाले बढाउँछ देशको शान,

झरना झर्छन् कलकल गर्दै, मेटाउँदै जञ्जाल,

मेरो प्यारो देश हो सुन्दर नेपाल ।

तराईको माटो सुनजस्तै बहुमूल्य,

धानका बाला लहराउँछन् हावासँग तालमा,

हरिया फाँटले सजिएको रमणीय भूगोल,

प्रकृतिको अनुपम उपहार हो - नेपाल ।

पहाडका डाँडाकाँडा हरियालीले विशाल,

फूलका बगैँचामा सुगन्धित बहार,

वनका गीतमा चराहरूको मधुर स्वर,

स्वर्गझैँ सुन्दर लाग्छ मेरो नेपाल ।

जातजाति, भाषाभाषी सबैको एउटै सवाल,

शान्ति र सद्भाव बनिरहोस् सधैँ विशाल।

समानता, प्रेम र विविध संस्कृतिको माला,

गौरवले टल्किरहोस् हाम्रो सुन्दर नेपाल ।

वीर पुर्खाको रगतले लेखिएको इतिहास महान्,

बुद्धको जन्मभूमि, शान्तिको पवित्र धाम।

प्रकृति, संस्कृति र वीरताको अनुपम मिसाल,

गर्वले भन्छु म मेरो देश नेपाल।

हिमालझैँ अटल रहोस् यसको गौरव र शान,

नदीझैँ निरन्तर बगिरहोस् विकासको अभियान ।

विश्वमाझ सधैँ उच्च रहोस् नेपालको नाम,

मेरो देश अमर रहोस् नेपाल, मेरो अभिमान !