Share:

बगैचामा अनेक थरिका फूलहरू फूल्छन्,

केही राता, केही सेता त केही पहेला

तर मलाई मनपर्ने फूल पक्कै भेटिएला

त्यही फूलले भित्र्याउला खुसीका बहार

अनि

सुनाैला उपहार ।

चाहनाको त्यस बगैचामा कति फूल ओइलिए होला

भएन लेखाजाेखा

गरिएन कयाैँ फूलको परवाह

तर आज थाहा भयाे

म पनि रहेछु त्यही फूलकाे एक अंश ?

आफ्नै चाहनाको एक अंश ।

मेरै हो बगैँचा

जहाँ फूलहरू फुल्दै जान्छन्,

ओइलाउँदै जान्छन्

तर, अझै म त्यही ओइलाइसकेका

फूलहरू खोज्दै हिँड्छु ?

अनि म एउटा नयाँ फूलको चाहनामा

कोपिला रोप्छु ।

फूल महिमा अगणनीय छ ?

हिजोको कोपिला,

आजको लक्ष्य र भविष्य हाे ?

एउटा सामान्य फूल ?

अनि मेरै आशाको चित्तमाथिको एउटा माला ?