Share:

आकाशको अन्धकार भरि तिमी नै चन्द्रमा

उज्यालो ज्योति तिम्रै मात्र चम्किनेझैँ

सबै प्रकाश तिम्रो मात्र

म तारा जस्तै भएँ तिम्रो अगाडि।

म जस्तै हजारौँ होलान्

मभन्दा बढी अरू चम्केलान्

तर तिमी चन्द्रमा एक मात्र ज्योति

आकश बाल्ने कहाँ म जस्ती ।

यो जगत् अन्धकारमा उज्यालाे छर्ने

आकश नै तिमीले चम्काउने

एक न एक दाग नभएको

चन्द्रमा ए चन्द्रमा !

मलाई के नै दोष दिन सक्छौ र !

मेरो पनि गल्ती कहाँ हो र ?

तिम्रो उज्यालोपन चोर्ने आश

म मात्र आकशमा चम्किने आश ।

तिम्रो चम्किलो मुहार मेरो पापी नजरमा पर्दा,

तिमीझैँ बनेँ भन्ने आश ।

चन्द्रमा तिम्रो छायाले मलाई छेकिदेऊ न ।

चन्द्रमा मलाई पनि चम्किन देउन

तर पनि तिमी जस्तै चम्किलो,

तिमी जस्तै उज्यालो,

कहाँ कोही हुन्छ र ?

कहाँ कोही हुन्छ र ?