Share:

मेरो विद्यालयको नाम सिफल माध्यमिक विद्यालय हो । याे काठमाडौँको सिफलमा रहेको छ । यस विद्यालयमा कक्षा १ देखि १२ सम्म पढाइ हुन्छ ।  मेरो विद्यालय धेरै राम्रो छ । मेरो विद्यालयमा हरियाली वातावरण छ । मेरो  विद्यालयकाे पाँचओटा भवनहरू छन् । यहाँ खानेपानी र शौचालयको धेरै राम्रो व्यवस्था छ । यहाँ एउटा चमेनागृह पनि छ, जहाँ स्वादिष्ट खानेकुराहरू खान पाइन्छ । मेरो विद्यालयमा अनिवार्य विषयकाे पढाइ हुनुको साथसाथै अतिरिक्त क्रियाकलापहरू पनि सञ्चालन गरिन्छ । विद्यार्थीहरूको भाषा विकासको लागि विभिन्न भाषाको पनि पढाइ हुन्छ । काेभिड - १९ रोगकाे कारण विद्यालयले ‘घरबाटै पढौँ’  भन्ने कार्यक्रमका साथ हामीलाई अनलाइन कक्षा सञ्चालन गराइरहेकाे छ । यस्तो कार्यक्रमबाट हामीले विश्वभर फैलिएको महामारीको समयमा पनि अध्ययन गर्न पाएका छौँ ।