Share:

प्रकृति

रङ्‌गीचङ्‌गी र राम्रा फूल फुलेका

टप्प टिपेर लगूँ

यी पहाड र हिमाल कति सुन्दर हुन्

बयान कसरी गरूँ ।

सुनाैलाे घाम झुल्केको छ आकाशमा

बादलसँग नाच्दै

बग्दछ कर्णाली आफ्नै धुनमा

गाउँदै रमाउँदै ।

आहार खोज्दछन् चराचुरुङ्गीले

छ है स्वतन्त्र जीवन

कति सुन्दर हरियाली प्रकृति

आहा ! कति राम्राे वन ।

पशु र पक्षी मिलेर बस्छन् यहाँ

मानिस जस्ता दुष्ट नाई

सफा राख्नुपर्छ आफ्नो वातावरण

बचाऔँ प्रकृतिलाई ।