Share:

वि.सं २०८१ साल वैशाख ६ गतेको दिन थियो । म निकै उत्साहित थिएँ किनकि त्यो दिन मैले मेरो बाबाको अफिस भ्रमण गर्ने अवसर पाएको थिएँ । मेरो बाबाको कार्यालयमा दिउँसोको ३ बजे आउने भनिएको थियो । कतिखेर ३ बज्छ भनेर म घडी हेरिरहेको थिएँ । लोकन्थलीबाट हामीहरू २ बजेर ३० मिनेटमा निस्कियौँ । तीन बजे हामीहरू नयाँ बानेश्वर पुग्यौँ । केही समय पर्खिएपछि मेरो बाबा कार्यालयबाट बाहिर निस्किएर हामीहरूलाई लिन आउनुभयो । त्यसपछि हामीले कार्यालयको भित्र गएर लिफ्ट चढेर चौथो तल्लामा गयौँ । माथि गएपछि मैले बाबाको कार्यालय अवलोकन गरेँ । बाबाको कार्यालय धेरै राम्रो लाग्यो । किनकि त्यहाँ काम गर्नको लागि कम्प्युटर र अरू विभिन्न प्रकारका सुविधाहरू पनि रहेछन् । त्यहाँ मेरो बाबाको साथीहरूका छोराछोरी पनि आएका थिए । त्यहाँ हामीहरूले केही फोटो पनि खिच्यौँ । हामीहरूको लागि त्यहाँ तालिमको आयोजना गरिएको रहेछ । हामीहरू ठुलो तालिम लिने तलामा गयौँ । म जस्तै ६० देखि ७० जना साथीहरू पनि सहभागी भएका थिए । त्यहाँ त हामीहरूले पैसा र बैङ्कको बारेमा धेरै कुरा सिक्यौँ । मैले पैसाको नम्बर चिनेँ । मैले पैसाको नम्बर चिनेर पुरस्कार पनि पाएँ । त्यसपछि हामीहरू चमेना गृहमा गएर मःम, पिज्जा, चिकेन र जुस खायौँ । त्यहाँबाट निस्किने बेलामा एक एकवटा खुत्रुके पनि पायौँ । हामी खुसी हुँदै घर गयौँ ।