बिहान यहाँ माछापुच्छ्रे त्याे हिमाल हाँस्दछ
सराङ्काेट डाँडा गहना लगाई सङ्गीतमा नाँच्दछ
फेवातालको काखमा प्याराे हिमाल हाँस्दछ
नेपालको चित्रमा यस्ले सुन्दर रङ भर्दछ ।
सन्ध्याकालमा शान्तिस्तुप डाँडामा हाँस्दछ
रमणीय ठाउँ लोभ लाग्दो सहर निरन्तर बाँच्दछ
विन्दवासिनी देवता ढाेगी आशीर्वाद लिने छन्
पर्यटक आई रमाइलो मानी साैन्दर्य पिउँदछन् ।
सुन्दर सहर वर्णन गरी म धेरै थाकेँ है
सुन्दर दृश्य मनकाे एउटा कुनामा राखेँ है
बिहान उठी फेवाताल देख्दा मन नै रमाइलो
सराङ्काेटकाे सूर्याेदय त हुन्छ झन् घमाइलो ।
फरक भेष फरक जाति मिलेर बसेका
देवीकाे रूपमा झरना र तालले मित्रता गाँसेका
रारा,बेगनास रूपा र फेवा क्या राम्रो देखेको
मुहार झैँ झल्मल अन्नपूर्णले पाइला टेकेकाे ।
रमणीय सुन्दर मुहारबाट हटाउँ बादल
प्रकृतिकाे विचित्रताकाे रसिलाे आँचल
फेवातालको काखमा हिमाल हाँसेर बस्दछ
नेपालको चित्र विचित्रतामा सुन्दर रस छ ।
