Share:

जीवनको लय र कर्तव्य

​नदी बग्ने राम्रो कञ्चन जलको धार यसरी

भयो हाम्रो बाटो कति त दुःखको भेल यसरी।

नयाँ बाटो रोजौँ प्रगतिपथमा हाँसी हिँडौँ है

सधैँ पसिनाले भुवन यसरी आज रचौँ है।

​भएका ती गल्ती कति त सहजै आज सुधारौँ

अँध्यारो यो रात सहजै कटेर घाम ब्युँझाऔँ।

निराशामा अल्झी कत्ति पनि यहाँ बस्नु त हुन्न

सफलताको त्यो शिखर सहजै छुन्छौँ भन्नु हुन्न ।

​प्रकृतिको काख, हरियो वनको रूप छ प्यारो

सधैँ देख्दा राम्रो खुसी त बन्दछ मन यो हाम्रो।

सिकाउने हामी अडिग हिमाल सेता चुचुरा

झुक्दैनौँ है हामी दुःख त आए सङ्कट पूरा।

​पसिना बगाऔँ श्रम कति गरी अन्न फलाऔँ

नराम्रा ती पर्खाल सहजै मिलेर आज भत्काऔँ।

हुँदैन कोही सानो सब जन हुन् देशका प्यारा

समानताको त्यो प्रखर दियो बालौँ न सारा।

किताबका पाना सहजै पल्टाएर ज्ञान बटुलौँ

समाजको राम्रो हित हुने काममा सधैँ जुटौँ है।

बनेर सच्चा देशका युवक गतिला धर्म बुझौँ न

कुसंस्कार बेथिति विरुद्ध सहजै आज जुझौँ न।

​चरा चुरुङ्गीले श्रम कति मिठो यहाँ सिकाउने

बोकेर सत्यकाे नियम सहजै अघि बढाउने।

अलिकति गाह्रो भए पनि लक्ष्य भेट्नु पर्छ है

प्रयास गर्नेले जीवनमा कहिल्यै हार्नु पर्दैन है।

​सजाएर राम्रा सपना आँखामा हिँडौँ न आज

आउने ती बाधा सङ्कट हाँसेर टारौँ न आज।

नगुमाईकन समय गतिलो अल्छी छोडौँ है

परिश्रमी हात प्रगतितिर नै आज मोडौँ है।

​विगतका तिता विषय बिर्सेर अघि बढौँ अब

नयाँ एउटा राम्रो बिहानी संसारमा ल्याऔँ न त सब

यही हो हाम्रो धर्म कति त उत्तम कर्म हाम्रो यो

सबभन्दा सुन्दर प्यारो हाम्रो बनाउनु छ देश ।