Share:

म बिहानै ६:३० बजे आमाको आवाजले उठेँ। त्यसपछि म हतार–हतार मुख धोएर नास्ता खाएँ। मैले विद्यालयको पोसाक लगाएँ र खाजाको झोला बोकेर बस स्टपतर्फ गएँ। त्यहाँबाट गाडी चढेर विद्यालय पुगेँ। हाम्रो पदयात्रा सूर्यविनायकबाट गुण्डुसम्मको थियो। यात्राको क्रममा हामीले धेरै रुखहरू, जनावरहरू, मानिसहरू र घरहरू देख्यौँ। बाटोभरि निकै रमाइलो भयो। हामीले हेलिकप्टर दुर्घटना भएको ठाउँ पनि देख्यौँ। त्यो ठाउँ देख्दा मलाई केही समय डर पनि लाग्यो । बाटोमा हामीले कुकुरहरू पनि देख्यौँ। पछि हामी एक ठाउँमा बसेर साथीसँग खाजा खायौँ । खाजा खाँदै सबैजना मिलेर गफ गर्यौँ र धेरै रमाइलो गर्यौँ। त्यसपछि हामी फेरि विद्यालयतर्फ फर्कियौँ। यो पदयात्रा मेरो लागि धेरै रमाइलो र सम्झनलायक अनुभव बन्यो।