कविताः प्रकृति
Share:
प्रकृति
डाँडा र काँडा हिमाल राम्रो सुनौलो प्रभात
तराई फाँट नदी र नाला अमूल्य सौगात ।
बिहानी पख पारिलो घाम कोइलीको भाकाले
यो मेरो मन लोभ्याउँछ सधैँ हरिया पाखाले ।
रङ्गी र चङ्गी फूल छन् राम्रा मिठो छ सुगन्ध
छितिज पारीको जुनले पनि दिएको आनन्द ।
कालो र सेतो बादल पनि कति छन् चम्किला
रबिको रातो किरणले गर्दा भएछन् सुनौला ।
खोलामा बग्ने चिसो त्यो पानी पोख्दैछ कि व्यथा
वन र पाखा टोलाउँछन् हेरी दुःख त्यो सम्झिँदा ।
रुख र पात चराचुरुङ्गी असल हुन् मित्र
सबै नै मिली बनेको हेर सुन्दर यो चित्र ।
प्रकृति नै हो अमूल्य धन जीवन अनि प्राण
यसैको माया जोगाउन सके रहन्छ सम्मान ।
हाम्रो यो घर अमूल्य धन जगत बचाऊँ
रोगी र दुःखी नबनौँ कोही यो धर्ती सजाऊँ ।।
2 reads
Published on 9/21/2026
सुकृता कुँवर कक्षा ८ की मेहनती विद्यार्थी हुन्। उनलाई पढ्न, चित्र बनाउन, कथा लेख्न तथा घरमा बसेर अन्य साहित्यिक किताबहरू पढ्न अत्यन्त मनपर्दछ। उनी एक आशालाग्दी भविष्यकी कवयित्री हुन् ।
Sukrita Kunwar
Grade 8
Roll No: 311014
Deerwalk Dhading School
1
