Share:

नाम: किरण भण्डारी

कक्षा: २

सेक्सन:तिलिचाे

क्रमाङ्क:३७१००५

बाघ र रुख काट्ने मान्छे

एकादेशमा एउटा ठूलो र सुन्दर जङ्गल थियो। जङ्गलमा धेरै अग्ला–अग्ला रुखहरू थिए। त्यहाँ विभिन्न किसिमका चराचुरुङ्गी र जनावरहरू पनि बस्थे। जङ्गलको छेउमा एउटा सानो घर थियो। त्यस घरमा एक जना मान्छे बस्थ्यो। ऊ हरेक दिन जङ्गलमा गएर रुख काट्ने गर्थ्यो।

एक दिन बिहान ऊ हातमा बन्चरो बोकेर रुख काट्न जङ्गलतिर जाँदै थियो। बाटोमा उसले चराहरूको चिरबिर आवाज सुन्यो। केही पर पुगेपछि अचानक उसले बाघ कराएको ठूलो आवाज सुन्यो। बाघको आवाज सुनेर ऊ धेरै डरायो। उसले पछाडि फर्केर हेर्दा एउटा बाघ आफूतिर आउँदै गरेको देख्यो। मान्छे डराएर छिटो–छिटो दौडिन थाल्यो। बाघ पनि उसको पछिपछि दौडियो। मान्छे आफ्नो घर नजिक पुग्यो र हतार–हतार घरभित्र पस्यो। उसले तुरुन्तै ढोका लगायो। बाघ घरको ढोकाबाहिर आएर केही समयसम्म बस्यो। मान्छे डरले घरभित्रै चुपचाप बसिरह्यो। केही समयपछि बाघ त्यहाँबाट जङ्गलतिर फर्कियो। बाघ गएपछि मान्छेले ढोका खोल्यो र बाहिर आयो। उसले आफूले काटेका रुखहरू सम्झियो। रुख काट्दा जङ्गलका जनावरहरूको बासस्थान नष्ट हुने रहेछ भन्ने कुरा उसले बुझ्यो। उसलाई आफ्नो गल्तीको महसुस भयो।

त्यस दिनदेखि उसले जङ्गलमा गएर रुख काट्न छोड्यो। बरु उसले घर वरिपरि बिरुवा रोप्न थाल्यो। उसले अरू मानिसलाई पनि रुख नकाट्न र वनको संरक्षण गर्न सम्झाउन थाल्यो। केही समयपछि गाउँ वरिपरि धेरै हरिया रुखहरू उम्रिए। गाउँ सुन्दर र रमाइलो भयो।

शिक्षा: हामीले वन र रुखको संरक्षण गर्नु पर्छ।